Gobierno Vasco

Agenda 21

  Arantzazuko Ama Ikastolak   jasangarritasunaren alde lan egiten du Eskolako Agenda21 (EA21) proiektuaren bitartez. Eskola osoan sentsibilizazio eta diagnostiko jarduerak egin ondoren, hainbat ekintza garatzen dira. Honen bitartez jarrera kritiko eta  arduratsuak sustatu nahi ditugu gure ikasleengan eta haien bitartez, ingurune eta  jendarte ahalik eta bidezkoena eskaini .

EA21 ikastetxearen iraunkortasunerako eta kalitaterako hezkuntza-programa da, komunitatearen partaidetzan oinarritzen dena, eta udalerriko garapen iraunkorrean esku hartu eta laguntzen duena.

Ikasturtez ikasturte, gai bat jorratzen da eskualdeka (Donostialdea), eta berau, txertaketa curricularrean amaitzen da, hau honela, ikasturtez ikasturte , jasangarritasunerantz urrats berri bat emanez. Azkeneko ikasturteetan, honako gaiak jorratu dira:

 2.013/2.014: Elikadura

2.014/2.015: Mugikortasuna.

2.015/2.016: Hiri jasangarria.

Lanketa guzti horietatik, Arantzazuko Ama ikastolan, honako proiektuak finkatu dira:

 

  • PATRUILA BERDEA: HONDAKINEN KUDEAKETA

2.014/2.015 ikasturtean abian jarritako proiektua da, non ikasleen parte hartzea &percent;100 den, oso gustura parte hartzen dute!

Ikastolan sortzen den hondakinen inguruko gogoeta egiteko lan talde malgu eta dinamikoa da, bertan, hondakinen sailkapen egokia egiten ote den, patioaren eta eskolako beste espazioen garbitasuna zaintzen da, eta ikastolan aldaketak proposatzeko gunea da.

 

  • ESKOLA BARATZA eta LORATEGI BERTIKALA.

2.014/2.015 ikasturtean Oktogonoan martxan jarri zen baratza, gerora, eraikin handian txertatu da proposamena. Ekogunetik, eta Cristina-Enea fundaziotik egindako formazio eta jarraipenarekin, aurrera eramaten da.

2.014/2.015 ikasturtean ere, eraikin handiko ikasle batek patioa apaindu nahi zuela esan zuen (Patruila Berdearen egitekoa). Ideia hori hartuta, eta bere landareekiko grina ikusita, lorategi bertikala martxan jartzea aurreikusten da. Era honetan, ikasleek ikastola gustoko gune bilakatuko dute, ardurak hartzen ikasi, eta eskola komunitatean parte hartu.

 

  • ESKOLARA OINEZ BIDEA.

Civitas-Archimedes Europako egitasmoaren laguntzaz, Donostiako Udalaren Eskola Bidean proiektuan parte hartzen du Arantzazuko Ama ikastolak. Ikasturtez ikasturte finkatzen doan egitasmoa da, gero eta partaide gehiago, eta material ez-ahikorrez (paletak, txalekoak … ) hornitzen goazelarik.  

 

  • TXOKO BERDEA

Ikasleekin egiten dugun lanaren isla izango den txokoa, eraikin handiaren sarreran kokaturik dago. Bertan, ikasleek egindako jasoketa eta iritsitako ondorioak biltzen dira, baita beste egitasmotxoen nondik norakoak azaldu

 

  • BESTELAKO EGITASMOAK

Haurbanistak, “Mina bat, lore bat”, karabana solidarioak … bestelako kanpaina eta egitasmoekin bat egiten dugu.

 

© Arantzazuko Ama Ikastola
Telefonoa: 943470235 | Telefonoa: 943457754 | Fax: 943458854 | 013520aa@hezkuntza.net 012360aa@hezkuntza.net