Gobierno Vasco

BERRIAK

Bekak

Unibertsitateaz kanpoko ikasleak eskolatzeko ikasketa-beketarako eta laguntzetarako 2019-20 ikasturteko deialdia zabalik dago. Informazio gehiago Hezkuntzako webgunean.

EPEA: irailaren 30etik urriaren 29ra.

Beka eta diru-laguntzen zenbatekoak eta motak, eta ekonomia-baldintzak ikusteko klikatu hemen.

Parketarrak

Guraso agurgarriak,

 

Donostiako Udaleko Euskara zerbitzuak, Martuteneko euskara batzordeak eta Urtxintxak “Parketarrak” izeneko egitasmoa jarri dugu martxan. Kalean eta parkeetan euskararen erabilera handitzea du helburu. Horretarako, irailak 25, urriak 2, 9, 16, 23 eta 30 egunetan, Urtxintxako jolas dinamizatzaileen laguntzaz, Martutene parkean (ikastola ondoan) jolas saioak burutuko dira.

 

Hau da aurrera eramango den programa:

 

ZABU ZIBU: 17:00-18:00ra; 3-7 urte bitarteko haurrak dituzten familientzat. Eguraldi txarra eginez gero, aterpean egingo dugu. Helburua euskaraz jolastu ahal izateko tresnak eskaintzea da, beraz, behar beharrezkoa da haurrak guraso edo helduren batekin etortzea eta jolastea.

 

TXIRRINTXON: 18:00-19:00etara; 6-9 urte bitarteko haurrentzat. Eguraldi txarrarekin aterpean egingo dugu.

 

*Donostiako beste auzo bateko ordutegiak ikusteko:http://www.urtxintxa.eus/zerbitzu-orrialdeak/parketarrak/ Anima zaitezte! Bertan egongo gara zuen zain!

     Ikasleek, irailaren 9an, astelehenean, ikasturte berriari emango diote hasiera. Hilaren 12 arte, klaseak goizeko ordutegian izango dira, 09:00etatik 13:00etara, 2 urteko ikasleak izan ezik, egokitzapena egingo dutelako.

                 Ikasturteko egutegia  kontsulta dezakezue.

 

Laster arte!

 

 

Euskal eskola publikoaren jaia

 

Datorren ekainaren 2an, Errenterian, Euskal Eskola Publikoaren 28. jaia ospatuko dugu.

“Makina bat taupada” da aurtengo leloa. Herriko industria irudikatzeko engranajea aukeratu dugu, ohiko elementua eta erraz identifikatzen dena delako. Eskolako komunitatea osatzen dugunok izango ginateke engranajeak, elkarrekin lanean aritu behar dugunok. Batek huts egiten badu, makina ez dabil.

Egitaraua hemen duzue.

Informazio gehiago ezagutzeko klikatu hemen.

 

  

RSS

© Arantzazuko Ama Ikastola
Telefonoa: 943470235 | 013520aa@hezkuntza.net